Aðdáendaklúbbur Usain Bolt á Íslandi

Framhald af rugli

Mon, 04 May 2009 13:39:05 GMT

Jæjja á ekkert að gera nema teygja.........
Vegna mikilla vinsælda(sem bloggið á undan hlaut) og áskorana þá ákvað ég að henda inn hérna einu bloggi, enda réð fólk ekki við sig og commentaði eins og það ætti lífið að leysa á bloggið hér á undan. Enda varð eitthvað að gerast á þessari síðu því hún var á barmi þess að látast af völdum áhugaleysis og ekki er það hægt því þetta er eina síðan hér á landi sem er tileinkuð snillingnum Usain Bolt sem heldur með Manchester United samkvæmt dv.
Já svona er þetta en ég hef því miður frá litlu að segja nema það að sjónvarpið mitt eða loftnetið öllu heldur er með eitthvað rugl í gangi svo ég er búin að vera af og til sjónvarpslaus síðan fyrir helgi og þetta tekur á og skapar vesen því ég þarf þá að fara að finna mér eitthvað annað að gera sem er kannski gott því ég er búin að nauðga sjónvarpinu og tölvunni og ég mæli ekki með því fyrir neinn að vera í sumarfríi þegar allir eru í prófum það skapar heilsuvandamál og ég er ekki frá því að þessar þrjár heilasellur sem voru upp í hausnum á mér séu látnar af völdum aumingjaskaps og sjónvarpsáhorfs. Þetta er svona það heldsta úr lífinu þessa dagana en eins og þið eruð kannski búin að ná þá hef ég ekkert að gera þar sem sjónvarpið er bilað svo ég fór að glugga í ÍR-orðabókina og það má segja að hún hafi bjargað deginum mínum og ætla ég því að koma með nokkur eðal úr þessari snild:
Horfa á spólu (Sagt á sérstakan hátt annars merkingarlaust) Uppruni: Sandra og Birna. Þegar er EKKI verið að horfa á spólu!
Suddalegt Notkun orðsins náði hámarki í Portúgal þar sem þetta var annað hvert orð sem notað var á æfingum af Spretthlaupara crewinu. Suddaleg æfing, suddalegur sprettur o.s.frv.
Sexy- Notað í orðasambönd s.s. sexy-kastari, sexy-hlaupari o.s.frv. Nafnbót sem mjög erfitt er að öðlast og er ekki á færi hvers sem er. Notað yfir íþróttamann sem er sérstaklega kynþokkafullur í sinni grein.
Amfetamínsterar Uppruni: Ármann. Notað þegar einstaklingurinn er óeðlilega hyper, óþreyttur eða þarf ekki að borða. Þetta er allt í lagi því hann er á amfetamínsterum.

Svo er þetta svo magnað að hægt er að skella þessu öllu saman að vild:

Varstu að Horfa á suddalega spólu með sexy-(kastara,hlaupara o.s.frv.) sem var á amfetamínsterum ?

Þetta klikkar ekki...en já ég ætla að hætta þessu rugli þarf að gera svo mikið í dag....horfa á eina dvd(ekki spólu), fá mér að borða, horfa á aðra dvd og svo kannski að fara í tölvuna....en gangi ykkur suddalega vel að læra og guð og allir góðir vættir verði með ykkur

Aðeins fyrir þá sem eru í prófum

Mon, 27 Apr 2009 12:50:19 GMT

What´s up
Þar sem ég er á fyrsta degi svona opinberlega í sumarfrí og hef ekkert við tímann að gera nema kannski glugga í lögfræðibækur mér til skemmtunar og fróðleiks eða telja bílan sem keyra framhjá þá ákvað ég að leggja til smá efni hérna inn á síðuna fyrir ykkur sem eruð í prófum. Þetta er svona pásu lesning, þar sem það er nauðsynlegt að taka pásur svona annað slagið því það er víst satt að maður geti lesið yfir sig, álagið sem er við próflestur getur kallað fram geðklofaeinkenni en þið þurfið ekki að óttast þar sem vísindavefurinn segjir að það er þó misskilningur að orsök geðveilunnar sé lærdómurinn sjálfur en farið samt varlega.....
En já, ég hef verið að pæla í því hvort það sé sanngjarnt varðandi okkar sem æfum svona íþróttir sem maður þarf virkilega að hreyfa sig að það megi kalla skák íþrótt, auðvitað þarnast þessar gjörðir einhverjar æfinga, en þetta myndi ekki kallast hreyfing samkvæmt almennri málvenju því ef litið er til íslenskrar orðabókar sem er reyndar gefin út 1976 þá kemur það fram að hreyfing er það að hreyfast og ég myndi nú ekki segja að maður hreyfist mikið í skák nema það sé spilað í flugvél eða í bíl. En víst skák er íþrótt mætti þá ekki segja að það að spila ludo sé íþrótt því maður þarf nú að nota heilann í ludo því þú þarft að ákveða hvaða kall sé nú best að hreyfa svo það séu meiri líkur á að þú vinnir. Þetta var nú bara smá pæling svona til að hressa ykkur við en vá, ég held að ég hafi aldrei svona í alvöru talað bloggað jafn nördalegt blogg....
En þetta var gert í þeim tilgangi að gleðja ykkur og hér eru nokkrar myndir sem ég fann hérna á síðunni sem eru suddalega skemmtilegar ( ég veit að suddalegt á ekki við hér en það var mjög erftitt að gera blogg án þessa að þetta orð kæmi neinstaðar fyrir)

Sara þessi er sérstaklega fyrir þig því ég veit að þú elskar þessa, hún er góð

Vísindaleg könnun

Mon, 09 Feb 2009 18:12:44 GMT

Þetta er hávísindaleg könnun. Vonandi sjá sem flestir sér fært að taka þátt því hún er öllum opin. Svarið eftir bestu samvisku. Spurningin er þessi:

Hvað dettur þér í hug

þegar þú heyrir

Danmörk eða danska?

Nútímabréf

Mon, 19 Jan 2009 12:41:48 GMT

God dag.

Það er víst kominn tími til að láta í sér heyra. Það er allt gott að frétta af mér og ég hef það bara „meget godt, meget godt“ hér í Danmörku. Lýðháskólinn sem ég er í heitir Grundtvigs Højskole Frederiksborg og er í Hillerød sem er rétt fyrir norðan Kaupmannahöfn, um hálftíma ferð í lest. Að búa á hérna er dálítið eins og að búa í unglingakommúnu. Hvað gerist í skólanum veltur að miklu leyti á nemendum og við sjáum einnig um þrif og vinnu í eldhúsinu (þó er kokkur hérna). Kennararnir eru góðir hver í sínu fagi en þeir eru líka bara eins og hluti af nemendahópnum þegar við erum ekki í tímum. Ég er að læra ljósmyndun, kvikmyndagerð, teikningu, greiningu á nýjum kvikmyndum og hokkí (bandí). Síðan er frjáls mæting í jóga, fótbolta, þrek og matargerð sem eru fyrir utan venjulega stundatöflu. Dagskráin í skólanum er mjög lifandi og oftast einhvað að gerast utan venjulegrar töflu.

Núna er löng fríhelgi þannig að það er líka frí á mánudegi. Flestir nemendurinir fóru heim svo það er mjög rólegt hérna núna, annars erum við 83. Í gær og fyrradag fór ég til Kaupmannahafnar. Í fyrra skiptið fór ég með nokkrum dönskum stelpum úr skólanum. Engin þeirra var frá Kaupmannahöfn svo ég, Íslendingurinn, rataði eiginlega best, það var frekar fyndið, örugglega jólaferðinni í fyrra að þakka. Annars er voða fínt að vera hér í Hillerød, þetta er ekkert svo stór bær og skólinn liggur næstum því fyrir utan bæinn svo ég fæ að kynnast sveitinni líka þar sem hestarnir eru í kápum (eins og sumir hafa heyrt). En í miðbænum er kastali með síki fyrir framan og lítil verslunargata. Þar eru ýmsar spennandi búðir t.d. Hillerød Skorstencenter sem hlýtur að hafa helling af viðskiptavinum því það nota flestir arin til að kynda húsin og maður finnur það greinilega á lyktinni á kvöldin. Við hliðina á skólanum er kirkja og ég ákvað að fara í messu síðasta sunnudag til að sjá hvernig hún væri. Þótt svona kirkjumál sé oft frekar hálfleygt var ekkert erfitt að fylgjast með því það voru notaðir nákvæmlega sömu frasarnir og á Ísland, eins og þeir hefðu verið bókstaflega beinþýddir.

Danskan er öll að koma. Ég þurfti að einbeita mér svolítið að hlusta fyrstu dagana en núna er ég farin að skilja flest allt sem fólk segir og er bara að reyna að tala meira. Ég ákvað að vera súper cool og sleppa því að taka dansk sprog og kultur sem allir hinir útlendingarnir völdu, þrátt fyrir að skrifstofukonan hafi mælt eindregið með því og skólastjórinn sagt mér frá tveimur íslenskum stelpum sem voru hér í haust en gáfust upp því þær skildu ekkert. Ég sé ekki eftir því, á meðan hinir útlendingarnir eru að skrifa texta um það hvernig þeim leið fyrsta daginn er ég að skrifa handrit að stuttmynd með nokkrum Dönum. Þannig æfist líka talmálið og það var einmitt það sem ég vildi bæta mig í. Krakkarnir hér eru bara skemmtilegir. Flestir eru á aldrinum 18 til 23 ára en þó eru nokkrir eldri, sá elsti 84 ára. Þetta er mjög fjölbreyttur hópur þó flestir séu Danir þá eru hér líka Japani, Pólverjar, Ungverjar, Norðmaður, Svíi, Filipseyingur, Brasilíumaður, Georgíumaður, Breti, Færeyingur, Afríkubúar, Bandaríkjamenn og Arabar. Það getur verið ansi fyndið að tala dönsku við allt þetta fólk. Japaninn er að læra dönsku í háskólanum í Japan til að geta lesið Gúmmítarsanblöð, greinilega mikill metnaður hjá þessum aðdáanda.

Þó ég sé bara búin að vera hér í hálfan mánuð hefur mér samt tekist að komast tvisvar í danska sjónvarpið, samt hvorki fyrir nein stórafrek né skandala. Í fyrra skipti fylgdi sjónvarpið okkur einn dag í skólanum. Í seinna skiptið fórum við í stúdíó í Kaupmannahöfn til að sitja í sjónvarpssal í þættinum „Sandhedens time“ sem er dönsk útgáfa af „The Moment of Truth“. Það var eitt af því kjánalegasta sem ég hef nokkurn tímann séð. Þáttakandinn var ljóska sem starfaði sem módel, það segir sitt. Hún hefði átt að detta út eftir aðra spurningu en það hefði verið svekk eftir allt vesenið sem þátturinn kostaði. Önnur spurningin var um það hvort hún væri ánægð með sílikonbrjóstin sín. Hún svaraði fyrst já en það var rangt og eftir að hún fékk séns til að halda áfram játaði hún að 350 grömm í hvoru brjósti væri ekki nóg, hún vildi gjarnan hafa þau 500. Spurningin sem hún datt út á var hvort hún hefði einhvern tímann verið tekinn upp á myndband á meðan hún stundaði kynlíf. Hún svaraði nei, sem var rangt, en afsakaði sig síðan með því að hún hefði haldið að það væri verið að tala um útgefnar klámmyndir. En nóg um það.

Hvað æfingar varðar þá er ég bara að æfa sjálf. Frjálsíþróttafélgaið hér er ekki beint það virkasta. Það eru æfingar þrisvar í viku í tveimur flokkum, fólk fætt 1995 og fyrr og síðan allir sem eru yngri. Ég hef ennþá ekki hitt þau þrátt fyrir að hafa farið á völlinn á æfingatímum. Það er samt mjög flottur, nýuppgerður völlur hér og það er nú ekki sem verst að hafa hann bara fyrir sig. Það er um 20 mínútna skokk á völlinn, en auk frjálsíþróttavallarins er þar líka kastvöllur, fimm fótboltavellir og íþróttahús. Þeir einu sem ég hef séð þar eru samt bara nokkrir 12 ára strákar á fótboltaæfingu. Ég er samt í fínum málum því það er lítið íþróttahús hér í skólanum sem er alltaf opið og svo leik ég mér bara líka í öllum íþróttum sem boðið er upp á í skólanum.

Þó að Danmörk og Ísland séu að flestu leiti frekar svipuð er samt gaman að sjá mismuninn. Danir nota gardínur mjög sparlega en hins vegar fara þeir alls ekki sparlega með bjór, það ég síðara hef heyrt stöðugt síðan ég var lítil en það kom mér samt á óvart magnið sem þeir geta skolað niður. Síðan eru auðvitað allir á hjólum og öll hús úr rauðum múrsteinum. Það er ósköp notalegt að fara í gönguferðir hérna. Ég hef gert ansi mikið af því, að hluta til því það er dýrt í srætó, hvað þá á nýja genginu: 21 dösk króna= 483 íslenskar krónur. Í síðustu viku fengum við líka það verkefni í ljósmyndun að taka myndir af ókunnugum, þannig að ég gekk um allan bæ og spurði fólk hvort ég mætti taka mynd af því. Sumir urðu mjög stoltir, aðrir bara hræddir. Á leiðinni heim ætlaði eg einu sinni að ganga framhjá síkinu þegar ég mætti stærsta svani sem ég hef nokkurn tímann séð. Hann kom hlaupandi á móti mér á stígnum hraðar og hraðar. Síðan breiddi hann út vængina og gargaði eins og óður væri og ætlaði beinlínis að ráðast á mig. Ég hef ekki verið þekkt fyrir að vera hrædd við fugla hingað til, frekar hunda. En ég ákvað að snúa við þegar fuglinn ætlaði ekki að gefa sig og karlmennirnir tveir sem komu á eftir mér voru farnir að hlaupa til baka.

Hold da kæft, hvor er det langt lort. Jeg holder op nu men hvis I vil kan I kigge på www.grundtvigs.dk

Med kærlig hilsen fra Danmark,

Helga.

Nýtt upphaf

Tue, 13 Jan 2009 14:10:22 GMT

Nú þegar nýja árið er að ganga í garð er tilvalið að endurskoða stöðu okkar í lífinu. Þessi bloggsíða er orðin mjög svo óvirk þannig að mér datt í hug að gera allsherjar breytingu á starfsemi hennar.
Kæru félagar, frá og með deginum í dag erum við ekki bara irfrjalsar-crewið heldur erum við líka Aðdáendaklúbbur Usain Bolt á Ísland (The Icelandic Usain Bolt Fanclub). Við sem höfum aðgang að þessari síðu erum stofnfélagar og njótum þeirra fríðinda sem félagið hefur upp á að bjóða, s.s. barmmerki, gul föt frá Puma og síðast en ekki síst boðskort á árlega ráðstefnu Alþjóða Usain Bolt aðdáendaklúbbssambandsins (International Association of Usain Bolt Fanclubs (IAUBF))! Ég hvet ykkut síðan eindregið til að skrá vini og vandamenn, mömmu og pabba og jafnvel Asafa Powell í þessi ungu samtök.
F.h. Aðdáendaklúbbs Usain Bolt á Íslandi,
Heimir Þórisson.

P.S. Fyrir þá sem hafa saknað mín á æfingu í gær er ég veikur.

afmæli :D

Tue, 30 Dec 2008 11:59:53 GMT

Þar sem ég veit að allir eru rosalega vinsælir og uppteknir ákveð ég að bjóða ykkur í afmæli til mín með góðum fyrirvara, afmælið verður haldið heima hjá mér á næsta ári, laugardaginn 3. janúar nánar tiltekið ;) klukkan 20.

-- Sara Björk :d

DKM

Wed, 24 Dec 2008 10:27:27 GMT

Jæja við höldum að það sé tilvalið að blogga núna í tilefni af jólunum og til þess að halda uppi hefðinni að blogga í vinunni. Núna eru 50 mín síðan síminn opnaði hér í DKM (ekki RFL) og aðeins eitt símtal hefur borist og það var hún Ásdís að athuga hvort að síminn virkaði ekki öruglega :D En burt séð frá þessu öllu ætlum við að blogga um eitthvað fáránlegt því að við erum búnar að sjá það út að Ír-ingar kommenta bara á eitthvað fárámlegt eins og gullfirska ;)

Gullkorn dagsins í dag er upp úr jólabókinni í ár: Heilsuvernd sjómanna

*Fólk eldra en 70 ára eru mjög ólíkleg að verða sjóveik.
*Konur eiga það meira á hættu að verða sjóveikar (Einar ekki dissa þetta konur eru
jafngóðar og karlar)
*Erfitt getur verið að standast sælgæti en mikil sælgætisneysla leiðir til offituvandamála
og truflana á sykurbúskap líkamans
* Mikið úrval af girnilegu en hitaeiningaríkum skyndibita hefur leitt til offituvandamála og með kyrrsetu hefur það mikil áhrif á heilsu manna.
* Margvíslegar hættur geta fylgt vændi og skyndikynnum. Áður en lagt er í slíkar athafnir ber að íhuga hvort að það sé þess virði.
*Nauðsynlegt er að reyna að verjast moskitóbitum með öllum tiltækum ráðum. ( með þessari setningu í bókinni fylgir mynd af manni sem er í flugnavarnargalla).
Semsagt reynið að halda ykkur frá nauseum mares.

Gleðileg jól, við vonum að þið hafið getað notið þessara gullkorna úr sjómannslífinu, við verðum því miður að þjóta því það er svo bjálzz að gera hér.

-Hrafnhild, ásdís og sara

Stúdent

Fri, 19 Dec 2008 16:18:24 GMT

Á morgun, laugardaginn 20. des., útskrifast ég úr MH. Af því tilefni er ykkur boðið í stúdentsveislu klukkan níu annað kvöld.
Kveðja, Helga.

vídjókvöld á laugardaginn

Thu, 27 Nov 2008 22:23:08 GMT

Fyrir þá sem enn skoða þessa síðu:

Vídjókvöld á laugardaginn kl. 9. Birna og Heimis place. Eurotrip yeah!

Hver man ekki eftir þessu ?

Thu, 13 Nov 2008 15:48:04 GMT

Það er ekki annað hægt að segja en að við séum svalt fólk, þessar myndir eru bara til að undirstrika það.

Og ef þið hafið ekki tekið eftir því þá vantar helminginn á myndina hér fyrir ofan, og ég er ekki alveg með það á hreinu hvers vegna....og þið sem eruð með það á hreinu megið endilega koma því til skila hér fyrir neðan þar sem stendur "hafa sagt sína skoðun" skrifa athugasemd.

100000

Tue, 11 Nov 2008 16:17:20 GMT

Jæja nú hefur þessi blessaða síða fengið 100000 heimsóknir og stendur því á miklum tímamótum. Því skora ég á alla til að koma hér að skoðunum sínum um gullfiska. Ég ætla að ríða á vaðið: Mér finnst gullfiskar æðislegir nema stundum. Þeir lifa sínu litla lífi og skipta sér ekki af ólgusjó mannlegra glappaskota, ekki einu sinni þegar þeir fá ekki að borða. Þá deyja þeir bara án þess að vera með væl. Þetta ósjálfstæði hefur þó sína galla því margir gullfiskar deyja úr vanrækslu sem ætti sér kannski ekki stað ef þeir væru kröftugri mótmælendur.
Lifið heil og til hamingju með 10 í bekkpressu, Einar!

Ooma-mow-mow, papa-ooma-mow-mow!

Tue, 28 Oct 2008 22:17:54 GMT

Þáttur!
Aftur!

Einn sá besti frá upphafi alda. Orð eru ekki nógu merkileg til að geta lýst þessu.

Ritstuldur eða "pose"-stuldur öllu heldur

Sat, 25 Oct 2008 16:32:52 GMT

Hvar lærði hann þetta, ef ég man rétt er efri myndin tekin u.þ.b. einu og hálfu ÁRI áður en neðri myndin er tekin, þannig að.
Usain Bolt er að herma eftir MÉR og þetta þýðir líka að hann hefur komið inná síðuna okkar og séð þessa frábæru pósu þar ;)
Ég verð nú samt að vera hógvær og segja að Lightning-Bolt nær nú pósunni aðeins betur en ég gerði á sínum tíma. Og við örugglega skemmtilegri aðstæður, þótt hinar hafi verið mjög skemmtilegar líka.

Langaði bara aðeins að brjóta upp lærdóminn hjá mér hérna, Íslandsklukkan er að draga mig til dauða hérna, fuckin A.

Adios

Hæ!

Sat, 18 Oct 2008 13:20:51 GMT

Við ætlum að hittast heima hjá mér klukkan sjö í kvöld (laugardag). Muna eftir pening fyrir pizzu. Sjáumst!

Í beinu sambandi

Sun, 12 Oct 2008 18:57:03 GMT

Já það er gaman að þessu....Þetta blogg á að þjóna þeim tilgangi að láta ykkur ekki sakna mín meðan ég er fjarverandi vegna veikinda, þar sem ég er eiginlega heppin að vera á lífi þá var alveg tilvalið að blogga svona í tilefni af því en já ég er mjög sátt með þá ákvörðun sem ég tók á föstudaginn, þökk sé nokkrum, að fara heim af æfingu þar sem ég byrjaði að æla klukkan 8 og ældi til klukkan 9 um morguninn daginn eftir og þarna hefði ég viljað skjóta mig enda eiginlega ekkert annað betra í stöðunni, síðan fekk ég hita og læti og er enn í skítnum. Ég er samt ekki frá því að ég er búin að missa svona 1 kíló svo ég þarf ekki að örvænta þótt ég missa af nokkrum æfingum nema það væri fínt ef þið mynduð kannski líta í heimsókn svona við tækifæri eða hringja, ykkur er velkomið að hringja hvenær sem er og létta á hjarta ykkar. En burt séð frá einhverjum veikindum, það þýðir ekkert að vera alltaf sí vælandi en þá var mér að detta í hug að við myndum gera eitthvað FLIPPAÐ(þetta er fyrir þig Heimir, sko orðið) saman næsta laugardag í tilefni af því að það er komið ár síðan ég notaði þetta orð seinast og til að halda upp á það að það sé komin október. Mér var að detta í huga að við myndum gera eitthvað eins og að fara í paintball eða lazertak eða eitthvað svoleiðis og fara svo síðan út að borða um kvöldið og láta svo einhvern bjóða okkur heim. Það væri líka magnað ef þið eruð með eitthvað annað brjálað í huga, en endilega pælið í þessu...

en annars hef ég ekki frá miklu að segja þar sem ég er búin að eyða miklum tíma inn á baði þessa helgina svo þið verðið bara að sætta ykkur við þetta. Síðan þá var ég að hugsa um að láta bloggið heita Sorgarsaga Hrafnhild en svo vildi ég ekki að Ármann færi í mál við mig.